अशोक अडसूळ ( मुख्य संपादक )
बोरमलनाथ देवस्थान इनाम जमिन गट नंबर १४४ मध्ये सुरु असलेले बांधकाम.
बोरीपार्धी येथील बोरमलनाथ देवस्थानच्या जागेवरील अनधिकृत बांधकामांवर कारवाईचे उपविभागीय अधिकाऱ्यांचे तहसीलदारांना आदेश.
केडगाव प्रतिनिधी :- अशोक आडसुळ
दौंड तालुक्यातील बोरीपार्धी येथील बोरमलनाथ देवस्थानच्या जागेवर सुरू असलेल्या बेकायदेशीर बांधकामां बाबत उपविभागीय अधिकारी, दौंड यांनी गंभीर दखल घेत तहसीलदारांना तातडीने कारवाई करण्याचे आदेश दिले आहेत.
बोरीपार्धी येथील ग्रामसभेने ठराव केला होता की,बोरमलनाथ देवस्थान ट्रस्ट मध्ये ग्रामस्थांना सहभागी करून घेतल्याशिवाय बोरमलनाथ मंदिर परिसरात व देवस्थान जमिनीत ग्रामस्थांना विचारात घेतल्याशिवाय व ग्रामसभेच्या ठरावाशिवाय कोणतेही काम करू नये तरी देखील बोरमलनाथ देवस्थान ट्रस्टचे सदस्य रमेश एकनाथ शेलार यांनी ग्रामसभेच्या ठरावाला झुगारून कोणत्याही अधिकृत परवानगीशिवाय बेकायदेशीर बांधकाम सुरू केले होते.
त्यामुळे बोरमलनाथ देवस्थान बचाव समितीच्या सदस्यांनी यासंदर्भात उपविभागीय कार्यालयाकडे लेखी तक्रार करून. बोरीपार्धी येथील बोरमलनाथ देवस्थान जमिन जुना गट नंबर ५२८ (नवीन गट नंबर १४४) या देवस्थानच्या जमिनीवर रमेश एकनाथ शेलार हे कोणतीही अधिकृत परवानगी न घेता अनधिकृत बांधकाम करत आहेत सदर बाधकाम तात्काळ थांबवून पुढील योग्य ती कार्यवाही करण्याची मागणी करण्यात आली होती.तसेच यापूर्वीही याच विषयावर २७ जून २०२५ रोजी बचाव समितीने लेखी तक्रार केली होती परंतू प्रशासनाकडून कोणतीही ठोस कार्यवाही झालेली नाही.
या प्रकरणाची गंभीर दखल घेत उपविभागीय अधिकाऱ्यांनी दौंड तहसीलदारांना तातडीने पुढील कार्यवाही करून, केलेल्या कारवाईचा अहवाल सादर करण्याचे निर्देश दिले होते व नियमाप्रमाणे योग्य ती कारवाई करण्यात यावी अश्या सुचना देण्यात आल्या होत्या.त्याप्रमाणे तहसीलदार दौंड यांनी बोरीपार्धी मंडल अधिकारी बनसोडे साहेब यांना लेखी आदेश देऊन सदर प्रकरणाबाबत तात्काळ नियमाप्रमाणे कार्यवाही करून तसा सविस्तर अहवाल या कार्यालयास सादर करून तक्रारदारास तसे अवगत करण्याच्या सूचना दिल्या आहेत.
संदीप चव्हाण
