अशोक अडसूळ ( मुख्य संपादक )
सत्यप्रकाश न्यूज प्रतिनिधी :- अशोक अडसूळ
आम्हाला मिळालेल्या प्रसिद्धीपत्रकानुसार बोरीपार्धी येथील श्री बोरमलनाथ मंदिरात आज, दिनांक ०६ जुलै २०२६ रोजी सायंकाळी ७ वाजता एक अनोखे आंदोलन पाहायला मिळणार आहे. ‘जागृत हिंदू समाजा’च्या वतीने या ठिकाणी ‘गोरक्षकांची आरती’ आयोजित करण्यात आली आहे.सध्या गोवंश तस्करीच्या मुद्द्यावरून मोठा गदारोळ निर्माण झाला असून, ‘जागृत हिंदू समाजा’ने थेट आंदोलनाचा पवित्रा घेतला आहे.या कार्यक्रमाने सामाजिक वर्तुळात खळबळ उडवून दिली आहे.या आरतीचा मुख्य उद्देश आबा शेलार यांना बोरमलनाथाने सद्बुद्धी द्यावी हा असल्याचे आयोजकांनी नमूद केले आहे. निमंत्रण पत्रिकेतील मजकुरानुसार, आबा शेलार हे हजारो गोवंश कत्तलीसाठी नेण्यास कारणीभूत असल्याचा गंभीर आरोप आयोजकांनी केला आहे. त्यांना श्री बोरमलनाथ देवाने ‘अक्कल, बुद्धी आणि वैराग्य’ द्यावे, अशी प्रार्थना या आरतीद्वारे केली जाणार असल्याचे आयोजकांनी नमूद केले आहे.यातील आरोपांची सत्यता ‘सत्यप्रकाश न्यूज’ पुष्टी करत नाही. संबंधित व्यक्ती किंवा संस्थेवर केलेले आरोप हे निमंत्रण पत्रिकेतील मजकुराचा भाग आहेत.
या आरतीसाठी शिवसंत-गोरक्षक मिलिंदभाऊ एकबोटे,धारकरी-गोरक्षक पंडित (दादा) मोडक आणी परिसरातिल व जिल्ह्यातील शेकडो गोरक्षक उपस्थित राहणार असून नागरिकांनी मोठ्या संख्येने उपस्थित राहण्याचे आवाहन आयोजकांकडून करण्यात आले आहे. या आंदोलनाच्या निमित्ताने गोरक्षकांनी आपल्या मागण्यांकडे प्रशासनाचे लक्ष वेधण्याचा प्रयत्न केला आहे. या आंदोलनामुळे परिसरातील वातावरण तापले असून, प्रशासन याकडे कशा प्रकारे पाहते, याकडे सर्वांचे लक्ष लागले आहे.या कार्यक्रमाच्या निमित्ताने परिसरात मोठी गर्दी होण्याची शक्यता वर्तवण्यात येत आहे.
संदीप चव्हाण
