अशोक अडसूळ
केडगाव (प्रतिनीधी) बोरीपार्धी ग्रामपंचायतीच्या आगामी सार्वत्रिक निवडणुकीसाठीची सदस्यपदांची अंतिम आरक्षण सोडत बैठक आज शुक्रवार १२ जून २०२६ रोजी ग्रामपंचायत कार्यालयात संपन्न झाली. या सोडतीमुळे गावातील ६ प्रभागांतील एकूण १७ जागांचे आरक्षण निश्चित झाले असून, निवडणूक लढवू इच्छिणाऱ्या उमेदवारांना आता आपापल्या प्रभागातील आरक्षणाची स्थिती स्पष्ट झाली आहे.
आरक्षणाचा संक्षिप्त तपशील (प्रभाग निहाय):- प्रभाग क्रमांक एक- एकुण जागा -३ सर्वसाधारण महिला-२,सर्वसाधारण १; प्रभाग क्रमांक दोन- एकुण जागा-३ अनुसूचित जाती महिला १, नागरिकांचा मागास प्रवर्ग महीला १,सर्वसाधारण १; प्रभाग क्रमांक तिन-एकुण जागा -३ अनुसूचित जाती १,नागरिकांचा मागास प्रवर्ग १,सर्वसाधारण महिला १; प्रभाग क्रमांक चार-एकुण जागा २,नागरिकांचा मागास प्रवर्ग महिला १,सर्वसाधारण १; प्रभाग क्रमांक पाच-एकुण जागा ३,अनुसूचित जाती महिला १,अनुसूचित जमाती महिला १,सर्वसाधारण १,प्रभाग क्रमांक सहा-एकुण जागा ३,नागरिकांचा मागास प्रवर्ग १,सर्वसाधारण महिला १,सर्वसाधारण १ अशा प्रकारे बोरीपार्धी ग्रामपंचायतच्या १७ जागांची आरक्षण सोडत आज जाहीर करण्यात आली आहे.
महाराष्ट्र राज्य निवडणूक आयोगाच्या निर्देशानुसार, दौंड तालुक्यातील बोरीपार्धी ग्रामपंचायतीच्या आगामी सार्वत्रिक निवडणुकीच्या पार्श्वभूमीवर, ग्रामपंचायत सदस्यपदांच्या आरक्षणाची सोडत बोरीपार्धीचे मंडळ अधिकारी श्री. सोमशंकर बनसोडे यांनी जाहीर केली.त्यामधे एकूण १७ जागांपैकी ९ जागा सर्वसाधारण प्रवर्गासाठी, ४ जागा ओबीसी प्रवर्गासाठी,३ जागा अनुसूचित जाती प्रवर्गासाठी तर १ जागा अनुसूचित जमातीसाठी आरक्षित झाली आहे.यावेळी ग्रामविकास अधिकारी श्री. मुरलीधर बडे यांच्यासह गावातील नागरिक आणि इच्छुक उमेदवार उपस्थित होते.काही ग्रामस्थांनी या सोडतीवर शंका उपस्थित केली असून काही लोकांच्या सांगण्यावरून ही सोडत काढण्यात आल्याची चर्चा ग्रामस्थांमध्ये रंगली आहे. काही ग्रामस्थांनी सदर सोडतीचे विरूद्ध हरकत घेणार असल्याचे सांगीतले.एकुणच सोडतीमुळे आता कोणत्या प्रभागातून कोणता उमेदवार निवडणूक लढवू शकतो, हे स्पष्ट झाले आहे. यामुळे गावातील राजकीय हालचालींना आता वेग आला आहे.आरक्षण निश्चित झाल्याने आता निवडणुकीच्या पुढील कार्यक्रमाकडे सर्वांचे लक्ष लागले आहे.
संदिप चव्हाण
