शिष्यवृत्ती परीक्षेत जि. प. प्राथमिक शाळा दापोडीचे घवघवीत यश; शाळेच्या तीन विद्यार्थ्यांनी पटकावले जिल्हा गुणवत्ता यादीत स्थान.

सत्यप्रकाश न्यूज:-संदिप चव्हाण

दापोडी :- जिल्हा परिषद प्राथमिक शाळा, दापोडी (ता. दौंड, जि. पुणे) यांनी इयत्ता ५ वी शिष्यवृत्ती परीक्षा २०२५–२६ मध्ये उल्लेखनीय यश संपादन करून संपूर्ण दौंड तालुक्याचा शैक्षणिक गौरव वाढविला आहे. शाळेतील कु. हर्षल सुरेखा सोमनाथ नरुटे (२६६ गुण), कु. क्षितिज पुष्पा किशोर चव्हाण (२६२ गुण)आणि कु. राजवीर ज्योती युवराज घोगरे (२३६ गुण ) या तीन विद्यार्थ्यांनी जिल्हा गुणवत्ता यादीत स्थान मिळवून शाळेच्या इतिहासात सुवर्णाक्षरांनी नोंद होईल असे यश संपादन केले आहे.त्याचप्रमाणे शाळेचे -शौर्य योगेश खळदकर (२२४), वीरा प्रकाश लकडे (२२०), अनुश्री तेज भोसले (२०८), अनुराज पांडुरंग मदने (२००), शुभदा सचिन टिळेकर (१९६), नंदिनी अविनाश धायगुडे (१९२), आर्यन शंकर कडू (१९०), अमृता ज्ञानेश्वर खोडवे (१८४), अरशान वसीम सय्यद (१५४), शौर्य संतोष कोकरे (१५०), वैशाली वाल्मीक पडेर (१४६), यशदीप शरद रुपनवर (१३०) व आरती सुभाष भांडवलकर (१२८) असे एकूण १६ विद्यार्थी पात्र झाले आहेत .या सर्व विद्यार्थ्यांना श्री. किशोर चव्हाण सर यांचे विशेष मार्गदर्शन लाभले. वर्षभर एकही सुट्टी न घेता नियोजनबद्ध अध्यापन, सातत्यपूर्ण सराव व विद्यार्थ्यांवरील मेहनतीमुळे विद्यार्थ्यांनी हे उज्ज्वल यश संपादन केले.

या यशामध्ये शाळेच्या मुख्याध्यापिका सौ. पुष्पलता चव्हाण,श्री. राजेंद्र फणसे, श्री. विलास खळदकर, श्री. संतोष अडसूळ, सौ. प्रतिभा काठे आणि श्रीमती पुष्पा आढाव यांचेही मोलाचे योगदान लाभले.विद्यार्थ्यांच्या या दैदिप्यमान यशाबद्दल शाळा व्यवस्थापन समितीचे अध्यक्ष, उपाध्यक्ष, सर्व सदस्य, दापोडी ग्रामपंचायतीचे सरपंच, उपसरपंच, ग्रामपंचायत सदस्य तसेच सर्व ग्रामस्थांनी विद्यार्थ्यांचे, पालकांचे, मुख्याध्यापिका व शिक्षकवृंदाचे अभिनंदन करून पुढील शैक्षणिक वाटचालीस शुभेच्छा दिल्या.शिक्षण क्षेत्रात सातत्याने उत्कृष्ट कामगिरी करणाऱ्या जि. प. प्राथमिक शाळा, दापोडीने पुन्हा एकदा आपल्या गुणवत्तेचा ठसा उमटविल्याबद्दल शाळेचे सर्व स्तरातून कौतुक होत आहे.