संदीप चव्हाण
सत्यप्रकाश न्यूज :- संदिप चव्हाण
केडगाव :- पुण्यश्लोक राजमाता अहिल्यादेवी होळकर दिंडी सोहळ्याच्या वतीने सोमवार दि.१३.७.२०२६ रोजी ” एक दिवस तरी वारी अनुभवावी ” या उपक्रमाचे आयोजन यवत ते वरवंड दरम्यान करण्यात आले आहे.बोरीपार्धी गावठाण येथील दत्त मंदिर येथून सकाळी सात वाजता परिसरातील भाविक भक्तांना यवत येथे घेऊन जाण्यासाठी बस निघणार आहे.ज्या भाविक भक्तांना एक दिवसाची वारी करायची आहे त्यांनी आयोजकांशी संपर्क साधून नाव नोंदणी करावी व वेळेत हजर राहण्याचे अवाहन दिंडी सोहळ्याच्या वतीने करण्यात आले आहे.बसची व्यवस्था बंडूशेठ नेवसे व गणेश दादा महाडिक यांच्या वतीने करण्यात येणार आहे.
अनेक लोकांची वारी करण्याची इच्छा असते परंतू नोकरी व्यवसायामुळे वारी करता येत नाही अशा भाविक भक्तांनाही एक दिवस तरी वारीचा अनुभव घेता यावा म्हणून यवत ते वरवंड एक दिवसाच्या पायी वारीचे आयोजन करण्यात आल्याचे दिंडीचे अध्यक्ष भजनरत्न मल्हारीदादा सोडनवर यांनी सांगीतले. यवत ते वरवंड पायी वारीत परिसरातील व दौंड हवेलीतील अनेक भाविक भक्त सहभागी होत असतात.वारीत भजन,पुजन,भारूड,हरिपाठ,पावल्या,फुगड्यांचा मनमुराद आनंद भाविक घेत असतात.
एक दिवसाच्या वारीची सुरूवात यवत पाॅवर हाऊस येथून होणार आहे.वारक-यांच्या सकाळच्या अल्पोपाहाराची व्यवस्था कै.शंकर चिमाजी शेंडगे यांच्या स्मरणार्थ श्री.बापू शंकर शेंडगे यांच्या वतीने करण्यात येणार आहे.दुपारी दिंडी भांडगाव येथे खुटबाव रोडला दोरगे यांचे फार्म हाऊसवर विसावा घेणार आहे.सदर ठिकाणी आलेल्या सर्व भाविक भक्तांची भोजनाची पंगत सचिव बाळासाहेब वाघमोडे व साईराज हाॅटेलचे मालक भारत घुले यांच्या वतीने देण्यात येणार आहे.चौफुला येथे कै.अंजनाबाई दादासो काळे यांच्या स्मरणार्थ काळे परिवाराच्या वतिने बुंदीचे वाटप व भाविकांच्या चहापाणाची व्यवस्था करण्यात येणार आहे.काळे यांच्या शोरूम समोर अहिल्यादेवी होळकर दिंडीच्या विण्याचे पुजन मान्यवरांच्या हस्ते होणार असून भजनरत्न मल्हारीदादा सोडनवर व सहकारी यांच्या संगीत भजनाच्या कार्यक्रमाचे आयोजन करण्यात आले आहे.
रात्रीच्या मुक्कामासाठी दिंडी सोहळा वरवंड येथील कै.एकनाथ सिताराम दिवेकर महाविध्यालयात थांबणार आहे.सायंकाळी हरिपाठ झाल्यानंतर दिंडीतील व परिसरातून आलेल्या भाविक भक्तांच्या पंगतीची व्यवस्था कै.बापूराव गणपती रूपनवर यांच्या स्मरणार्थ श्री.रामभाऊ बापूराव रूपनवर व श्री.सुभाष बापूराव रूपनवर याजकडून तसेच,डाॅ.सचिन भांडवलकर,श्री.विलास बबन धायगुडे,श्री.अशोक बाळासाहेब हाके,श्री.आबासो वाघापुरे,श्री.ज्ञानदेव येसू देवदारे,श्री.विकास अनिल कांबळे यांच्या वतीने करण्यात येणार आहे.तरी जास्तीत जास्त भाविकांनी एकदिवसाच्या वारीत सहभागी होण्याचे आवाहन अहिल्यादेवी होळकर दिंडी सोहळ्याच्या कार्यकारिणी कडून करण्यात आले आहे.
