संदिप चव्हाण
दापोडी : संदिप चव्हाण
नुकतीच दापोडी ग्रामपंचायतीच्या उपसरपंच पदाची निवडणुक पार पडली त्यामध्ये विजय हनुमंत भांडवलकर यांची उपसरपंचपदी बिनविरोध निवड करण्यात आली.सदर निवड प्रक्रिया ग्रामपंचायत कार्यालयात सर्व सदस्य व ग्रामस्थांच्या उपस्थितीत पार पडली.
उपसरपंचपदाची जबाबदारी स्वीकारल्यानंतर विजय भांडवलकर यांनी गावाच्या सर्वांगीण विकासासाठी प्रामाणिकपणे काम करणार असुन ग्रामस्थांच्या सहकार्याने दापोडी गावाचा सर्वांगीण विकास, स्वच्छता, पाणी, रस्ते, शिक्षण आणि इतर मूलभूत सुविधांसाठी सदैव प्रयत्नशील राहणार असल्याची भावना व्यक्त करून उपसरपंच पदी एकमताने बिनविरोध निवड केल्याबद्दल ग्रामस्थांचे आभार मानले.
या निवडीबद्दल आयोजित करण्यात आलेल्या सत्कारप्रसंगी ग्रामपंचायत पदाधिकारी, ग्रामस्थ आणि नागरिक मोठ्या संख्येने उपस्थित होते. यावेळी विजय भांडवलकर यांचा पुष्पहार घालून सत्कार करून आनंद व्यक्त करण्यात आला.आपल्या नेतृत्वात ग्रामविकासाला नवी उंची मिळो अशा शुभेच्छा देऊन ग्रामस्थांनी नवनिर्वाचित उपसरपंच विजय भांडवलकर यांचे अभिनंदन केले.दापोडी ग्रामपंचायतीच्या माध्यमातून एकता, विकास, स्वच्छता, शिक्षण, पारदर्शकता आणि प्रगती या उद्दिष्टांना केंद्रस्थानी ठेवून गावाच्या उज्ज्वल भविष्यासाठी सर्वांनी एकत्रितपणे काम करावे, अशी अपेक्षाही यावेळी व्यक्त करण्यात आली.
अशोक अडसूळ
